საქართველოს ჯანდაცვის მინისტრის ეკატერინე ტიკარაძის განცხადებით, შეზღუდვებთან დაკავშირებით მიმდინარეობს მსჯელობა, ვინაიდან ზოგიერთ რეგიონში ინფიცირების მაჩვენებელი იზრდება. ამის შესახებ ტიკარაძემ "იმედის დილის" ეთერში ისაუბრა.
"შეზღუდვებთან დაკავშირებით არსებობს გარკვეული მსჯელობა უკვე, ვინაიდან ჩვენ საქართველოში გვაქვს რამდენიმე რეგიონი, რომელიც წითლის მიმართულებით აქტიურად მიდის. ეს არის ამ ეტაპისთვის იმერეთი, გურია და სხვათა შორის, თბილისის, სადაც ყველაზე მეტი მობილობაა. დადებითობის კოეფიციენტი ამ ეტაპისთვის გვაქვს 2.2 და ინფექციის გავრცელების კოეფიციენტი 1-ს აღემატება, რაც მეტ სიფრთხილეს მოითხოვს. შეზღუდვებს არ გამოვრიცხავ", - თქვა ტიკარაძემ.
