საქართველოს ჯანდაცვის მინისტრის ეკატერინე ტიკარაძის თქმით, შემდეგი ვაქცინა, რომელიც საქართველოში შემოვა, ჩინური იქნება.
"შემდეგი არის ჩინური ვაქცინა, რომლითაც მე უნდა ავცრილიყავი, ვინაიდან ჩინურთან მიმართებაშიც ასევე არაერთი კითხვა არსებობს და ასევე იყვნენ ადამიანები, რომლებიც წინააღმდეგნი იყვნენ ჩინური ვაქცინის შემოტანის, თუმცა აქ ჩვენ დავიცავით პრინციპი, სავალდებულოდ ვთვლით, რომ უნდა იყოს მკაცრი მარეგულირებლის მხრიდან აღიარებული.
ეს ვაქცინა ამ ეტაპისთვის არის აღიარებული მკაცრი მარეგულირებლის მხრიდან, შესაბამისად, ჩვენ გვაქვს იმის საფუძველი, რომ ვაქცინა ჩავთვალოთ გამოყენებისთვის უსაფრთხოდ. აქედან გამომდინარე, ჩინური ვაქცინაც ხელმისაწვდომი იქნება უახლოეს მომავალში", - თქვა მან "იმედის დილის" ეთერში.
სავარაუდოდ, საუბარია ჩინური ფარმაცევტული კომპანიის Sinopharm-ის მიერ წარმოებულ ვაქცინაზე.
