25 მარტიდან, ვაქცინაციისთვის, სამედიცინო პერსონალის რეგისტრაცია პრიორიტეტული აღარ იქნება, - ამის შესახებ ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს სხდომის დასრულების შემდეგ განაცხადა.
„ამ დრომდე ძირითადად ექიმები აიცრნენ, თუმცა სამედიცინო სექტორში დასაქმებულია მთელი რიგი სხვადასხვა პროფესიის ადამიანი, რომელსაც ღრმა სამედიცინო ცოდნა არ აქვს და მათთან მუშაობაა საჭირო. დღეს და ხვალ ჩვენ გვაქვს კიდევ პრიორიტეტული რეგისტრაცია სამედიცინო პერსონალისთვის. 25 მარტიდან სამედიცინო პერსონალის პრიორიტეტული რეგისტრაცია სხვა რეჟიმში გადადის. ანუ, 65 წელს ზევით ყველა პირს შეუძლია დარეგისტრირდეს და სამედიცინო პერსონალის რეგისტრაცია პრიორიტეტული აღარ იქნება. ეს ორი დღეს, გარკვეულწილად მათთვის არის შესაძლებლობა, რომ პრიორიტეტულად ჩაერთონ ამ პროგრამაში“, - განაცხადა თამარ გაბუნიამ.
