ევროვიზიაზე საქართველოს წარმომადგენლის, თორნიკე ყიფიანის სიმღერისა და კლიპის პრემიერა დღეს საქართველოს პირველი არხის ეთერში, გადაცემა "დღის კოდში" შედგა.
საკუნკურსო სიმღერა სახელად You, რომელიც ინგლისურენოვანია, თავად მომღერალმა დაწერა.
სიმღერის ჩაწერაში მონაწილეობა მიიღეს გორის გოგონათა გუნდმა, მარიკო ლეჟავამ, მარიამ შენგელიამ და ალეკო ბერძენიშვილმა.
მუსიკალური ვიდეორგოლის რეჟისორი თემო კვირკველიაა. საკონკურსო სიმღერის ვიდეორგოლის გადაღებები რამდენიმე ლოკაციაზე მიმდინარეობდა. ვიდეოში მარიამ ალექსიძის დასი მონაწილეობს. მოცეკვავეების კოსტიუმების დიზაინი კი ქეთი ჩხიკვაძეს ეკუთვნის.
ევროვიზიის საერთაშორისო კონკურსი 18, 20 და 22 მაისს ნიდერლანდებში, ქალაქ როტერდამში გაიმართება. თორნიკე ყიფიანი 20 მაისს, მეორე ნახევარფინალში იმღერებს, რომლის წარმატებით გადალახვის შემთხვევაში, ქართველი არტისტი ფინალში გააგრძელებს ბრძოლას.
ფოტო/ვიდეო: Eurovision
