ჰოლივუდის უცხოური პრესის ასოციაციამ ოქროს გლობუსის გამარჯვებულები დაასახელა.
ღონისძიება პანდემიის გამო ვირტუალურ ფორმატში გაიმართა.
ოქროს გლობუსის დაჯილდოების ცერემონია იანვარში უნდა გამართულიყო, თუმცა კორონავირუსის პანდემიის გამო ღონისძიება თებერვლის ბოლომდე გადაიდო.
ნომინაციაში "საუკეთესო დრამატული ფილმი" გაიმარჯვა ქლოა ჩჟაოს ფილმმა Nomadland/მომთაბარეთა მიწა. ქლოა ჩჟაომ ასევე მიიღო ოქროს გლობუსი საუკეთესო რეჟისურისთვის.
ანდრა დეიმ მიიღო ოქროს გლობუსი საუკეთესო მსახიობი ქალის ნომინაციაში, ფილმისთვის "შეერთებული შტატები ბილი ჰოლიდეის წინააღმდეგ".
საუკეთესო მსახიობი კაცის როლისთვის "ოქროს გლობუსი" ჩედვიკ ბოუსმანს გარდაცვალების შემდეგ გადაეცა, ფილმში „მა რეინი: ბლუზის დედა“ შესრულებული როლისთვის. ჯილდო გარდაცვლილი მსახიობის ქვრივს გადასცეს.
წლის საუკეთესო კომედიურ ჟანრში გადაღებული ფილმისთვის "ოქროს გლობუსი" გადაეცა ჯეისონ უოლინერის ფილმს "ბორატი 2". ფილმის ავტორმა საშა ბარონ კოენმა ჯილდო საუკეთესო კომედიური როლისთვისაც მიიღო.
საუკეთეო კომედიური როლისთვის ჯილდო ასევე გადაეცა როზამუნდ პაიკს.
"ოქროს გლობუსი" საუკეთესო სცენარისთვის გადაეცა აარონ სორკინის ფილმს "ჩიკაგოს შვიდეულის სასამართლო პროცესი".
საუკეთესო დრამატულ სერიალად დასახელდა "გვირგვინი", - საუკეთესო მინი-სერიალად კი - "ლაზიერის გამბიტი".
საუკეთესო უცხოურენოვანი ფილმის ნომინაციაში გაიმარჯვა "მინარმა". საუკეთესო მეორეხარისხოვანი როლის შესრულებისთვის სატელევიზიო სერიალში გადაეცა ჯილიან ანდერსონს სერიალ "გვირგვინში" შესრულებული მარგარეტ თეტჩერის როლისთვის.
საპატიო "ოქროს გლობუსი" გადაეცა 83 წლის მსახიობს ჯეინ ფონდას.