ბელარუსის ოპოზიციის ლიდერი სვიატლანა ციხანოუსკაია იმედოვნებს, რომ პრეზიდენტი ალიაქსანდრ ლუკაშენკა იძულებული გახდება, თანამდებობა უახლოეს თვეებში დატოვოს. ამის შესახებ ციხანოუსკაიამ გერმანულ ყოველვკირეულ გამოცემა Bild am Sonntag-თან ინტერვიუში განაცხადა.
ციხანოუსკაიას თქმით, ლუკაშენკას რეჟიმზე მზარდი ზეწოლა ევროკავშირისა და აშშ-ს მხრიდან აუცილებლად გამოიწვევს მის გადადგომას.
"წნეხი დღითიდღე გაიზრდება და ერთ დღესაც ის ლუკაშენკასთვის გაუსაძლისი გახდება, ამიტომ ის წავა. ლუკაშენკას რეჟიმი წელს დაეცემა, ვფიქრობ, ეს გაზაფხულზე მოხდება", - განაცხადა ციხანოუსკაიამ.
ალიაქსანდრ ლუკაშენკას საპრეზიდენტო არჩევნებში გამარჯვებულად გამოცხადების შემდეგ, ბელარუსში დაწყებული მასობრივი საპროტესტო აქციების შედეგად, ათასობით ადამიანი დაშავდა, დააპატიმრეს და დააკავეს, მათ შორის ათობით ჟურნალისტი. ცხრა ადამიანი დაიღუპა.
პრეზიდენტობის ყოფილი კანდიდატი სვიატლანა ციხანოუსკაია არჩევნების შემდეგ იძულებული გახდა ქვეყანა დაეტოვებინა. იგი აქტიურად უჭერს მხარს ბელარუსში მიმდინარე საპროტესტო მოძრაობას და ლუკაშენკას რეჟიმზე ზეწოლის გასაძლიერებლად შეხვედრებს მართავს დასავლეთს ქვეყნების ლიდერებთან.