გაეროს ადამიანის უფლებათა დაცვის ოფისის ინფორმაციით, მანმარის მასშტაბით სულ მცირე 18 ადამიანი დაიღუპა და ათეულობით დაიჭრა პოლიციის მიერ მშვიდობიანი დემონსტრანტების ძალადობრივი დაშლის შედეგად, რომლებიც ქვეყანაში მომხდარ სამხედრო გადატრიალებას აპროტესტებდნენ.
"მთელი დღის განმავლობაში, მიანმარის მასშტაბით სხვადასხვა ქალაქში პოლიცია და სამხედრო ძალები დაუპირისპირდა მშვიდობიან დემონსტრანტებს ლეტალური და ნაკლებად ლეტალური ძალის გამოყენებით, რამაც სულ მცირე 18 ადამიანის სიცოცხლე იმსხვერპლა, 30-ზე მეტი კი დაშავდა", - იუწყება გაეროს ადამიანის უფლებათა ოფისი.
გავრცელებული ინფორმაციით, მიანმარის პოლიციამ ცეცხლი მას შემდეგ გაუხსნა დემონსტრანტებს, რაც ცრემლსადენი გაზითა და ჰაერში გასროლით ვერ მოახერხა მშვიდობიანი პროტესტის ჩახშობა.
1-ელ თებერვალს მომხდარი სამხედრო გადატრიალების წინააღმდეგ მშვიდობიანი საპროტესტო აქციების ძალადობრივი დარბევა მიანმარის უსაფრთხოების ძალებმა გუშინ დაიწყეს.
პოლიციის ძალადობრივმა მეთოდებმა უფრო ფართო მასშტაბები კვირას შეიძინა, რადგან სახელმწიფო გადატრიალების ლიდერები ცდილობენ, ჩაახშონ სამოქალაქო დაუმორჩილებლობის კამპანია, რომელიც არ ცხრება.
მიანმარის სამხედრო ხუნტამ გადატიალების გზით ხელისუფლება ხელში 1-ელ თებერვალს ჩაიგდო.