გაარასამთავრობო ორგანიზაციებული გუშინდელი ხელისუფლების პოზიციები, მინიმუმ უხერხულია - ასე აფასებს საპარლამენტო უმრავლესობის წევრი თეა წულუკიანი მთავრობის ადმინისტრაციის ყოფილი უფროსის ნათია მეზვრიშვილის მიერ დღეს გაკეთებულ შეფასებებს ენმ-ის ოფსში ნიკა მელიას დაკავების ოპერაცისთან დაკავშირებით.
წულუკიანის თქმით, მეზვრიშვილს 20 ივნისის მოვლენებზე სხვა პოზიცია ჰქონდა, როცა ხელისუფლებაში თანამდებობა ეკავა.
"მე მახსოვს, ქალბატონი ნათია მეზვრიშვილი 20 ივნისის მოვლენებს როგორ აფასებდა და როდესაც რამდენიმე დღის შემდეგ არასამთავრობო ორგანიზაციაში გადაინაცვლა, იქიდან სხვანაირად ლაპარაკი მინიმუმ უხერხულია, მაგრამ ეს მისი შეფასებაა, მე ჩემს შეფასებებს ვაკეთებ და როგორც ამ ქვეყნის პარლამენტის ერთი რიგითი დეპუტატი გეუბნებით, რომ არავითარ შემთხვევაში არც მომავალში საქართველოს პარლამენტზე შტურმი არ იქნება შეწყნარებული, ვერც ერთი პრობაციონერი ვერ მოიხსნის და ჰაერში ვერ ისვრის სამაჯურს ისე, რომ ამას არ მოჰყვეს რეაგირება, რაც არ უნდა იყოს პოლიტიკური მიზანშეწონილობის შესახებ სხვადასხვა გაარასამთავრობო ორგანიზაციებული გუშინდელი ხელისუფლების პოზიციები. ჩვენ ვართ ხელისუფლებაში დღეს და ჩვენ გვაკისრია პასუხისმგებლობა, რომ ვაკანონოთ კანონი, ამას ყველა უნდა შეეგუოს, რაც არ უნდა უსიამოვნო იყოს", - განაცხადა თეა წულუკიანმა.
შეგახსენებთ, ნათია მეზვრიშვილმა ნიკა მელიას დაკავებასთან დაკავშირბით ვრცელი განცხადება გამოაქვეყნა.
