ვაქცინების კომერციალიზაციაზე საუბარი არასერიოზულია - ეს პოლიტიკური სპეკულირების ნაწილია. ამის შესახებ ჯანდაცვის მინისტრის მოადგილემ, თამარ გაბუნიამ "დღის ქრონიკაში" ისაუბრა.
მისი თქმით, დღეს, ჯანდაცვის მსოფლიო ორგანიზაციისა და სხვა წამყვანი ინსტიტუციების ძალისხმევით, შეთანხმება ძალიან მაღალ, სახელმწიფოებრივ დონეზე მიღწეულია იმასთან დაკავშირებით, რომ ვაქცინებზე ხელმისაწვდომობა სრულად გაკონტროლდეს სახელმწიფოების მიერ და ასევე, კოვაქსის პლატფორმის საშუალებით
"დღეს, ვაქცინების კომერციალიზაციაზე საუბარი უბრალოდ არასერიოზულია, რადგან ეს მექანიზმი საერთოდ არ არსებობს, არარსებულია. ეს პოლიტიკური სპეკულირების ნაწილია. სახელმწიფოს ჩარევის გარეშე, დღეს ვაქცინას ვერც ერთი ქვეყანა ვერ მიიღებს. ამდენად, ჩვენ ამ ნაბიჯებს მივყვებით. ქვეყანას აქვს საკმაოდ მკაფიო გეგმა და უკვე საკმაოდ დიდი წარმატება იმაში, რომ ძალიან მალე შემოვიდეს პირველი დოზები", - განაცხადა თამარ გაბუნიამ.
