"ქართული ოცნების" დეპუტატი მაია მენაღარიშვილი აცხადებს, რომ მისი ინფორმაციით, თეა წულუკიანის კულტურის მინისტრად დანიშვნა იგეგმება.
"როგორც ვიცი, იგეგმება", - განაცხადა მენაღარიშვილმა აღნიშნულ საკითხზე ჟურნალისტის დასმულ შეკითხვაზე.
ამ დროისთვის, თეა წულუკიანი პარლამენტის განათლებისა და კულტურის კომიტეტის თავმჯდომარის თანამდებობას იკავებს.
ამასთან, მიმდინარეობს განათლებისა, მეცნიერების, კულტურისა და სპორტის სამინისტროს რეორგანიზაცია, რომლის მიხედვით, განათლებისა და მეცნიერების სამინისტრო და კულტურის, სპორტისა და ახალგაზრდობის სამინისტრო ცალცალკე უწყებებად ჩამოყალიბდება.
