აშშ-ის მოქმედი პრეზიდენტი დონალდ ტრამპი აპირებს ვაშინგტონი არჩეული პრეზიდენტის ჯო ბაიდენის ინაუგურაციის დღეს, 20 იანვარს, დილით დატოვოს. ინფორმაცია The Hill-მა გაავრცელა, რომელიც მოგვიანებით თეთრი სახლის ადმინისტრაციამ დაადასტურა.
ერთი კვირის წინ ტრამპმა განაცხადა, რომ ჯო ბაიდენის ინაუგურაციას არ დაესწრებოდა. ვრცელდებოდა ინფორმაცია, რომ ის ვაშინგტონს 19 იანვარს დატოვებდა.
გავრცელებული ინფორმაციით, ტრამპი გეგმავს გამართოს გამოსამშვიდობებელი ღონისძიება მერილენდის შტატში, ენდრიუს ავიაბაზაზე, სადაც ბაზირებულია აშშ-ის პრეზიდენტის თვითმფრინავები. შემდეგ კი გაემგზავრება ფლორიდაში მარ-ა-ლაგოს რეზიდენციაში.
ჯოზეფ ბაიდენის ინაუგურაცია 20 იანვარს გაიმართება.
ტრამპი მეოთხე პრეზიდენტი იქნება აშშ-ის ისტორიაში, რომელიც თავისი შემცვლელის ინაუგურაციას არ დაესწრება.
პირველად ეს მოხდა 1801 წელს, როდესაც პრეზიდენტი ჯონ ადამსი არ დაესწრო მისი მემკვიდრის, თომას ჯეფერსონის ინაუგურაციას. 1829 წელს პრეზიდენტი ჯონ კუინსი ადამსი (ჯონ ადამსის შვილი) არ დაესწრო ენდიურ ჯექსონის ინაუგურაციას. ხოლო ბოლოს ეს მოხდა 1869 წელს, როდესაც თანამდებობიდან წასულმა პრეზიდენტმა ენდრიუ ჯონსონმა უარი თქვა დასწრებოდა ულის გრანტის ინაუგურაციას.