გაერთიანებული სამეფოს დედოფალმა, ელისაბედ მეორემ და მისმა მეუღლემ, პრინცმა ფილიპმა კორონავირუსის საწინააღმდეგო ვაქცინა გაიკეთეს. აღნიშნულის შესახებ განცხადება ბუკინგემის სასახლემ გააკეთა.
გავრცელებული ინფორმაციით, ვაქცინაცია დღეს, უინძორის ციხე-სიმაგრეში ჩატარდა. როგორც იუწყებიან, დედოფალმა ისურვა, რომ ინფორმაცია მისი და პრინცის ვაქცინაციის შესახებ გავრცელებულიყო, შემდგომი სპეკულაციების თავიდან ასაცილებლად.
94 წლის დედოფალი და 99 წლის პრინცი ფილიპი დაახლოებით 1.5 მილიონ ადამიანს შორის არიან, რომლებსაც ამ დროისთვის კოვიდის ვაქცინის მინიმუმ ერთი დოზა აქვთ მიღებული.
როგორც იუწყებიან, დედოფალმა და პრინცმა Pfizer/BioNTech-ის ვაქცინა გაიკეთეს.