ინდონეზიაში რადარებიდან გაუჩინარებული ბოინგი სავარაუდოდ იავის ზღვაში ჩამოვარდა.
სამგზავრო თვითმფრინავი, რომელშიც 50-ზე მეტი ადამიანი იმყოფებოდა, ინდონეზიის დედაქალაქ ჯაკარტის საერთაშორისო აეროპორტიდან აფრენის შემდეგ რადარებიდან გაუჩინარდა.
სანაპირო დაცვის გემის კაპიტნის განცხადების თანახმად, მეზღვაურებმა იავის ზღვაში აღმოაჩინეს თვითმფრინავების ნამსხვრევები და სხეულის ფრაგმენტები. მიმდებარე ტერიტორიაზე ასევე აღმოჩინე სამაშველო ჟილეტები და წყალში ჩაღვრილი საავიაციო საწვავი.
სამგზავრო ლაინერის ბორტზე 62 ადამიანი იმყოფებოდა, მათ შორის 6 არასრულწლოვანი.
Sriwijaya Air-ის კუთვნილი ბოინგი 737 დასავლეთ კალიმანტანის პროვინციის ქალაქ პონტიანაკში მიფრინავდა.
ვებგვერდ Flightradar24.com-ის მონაცემებით, თვითმფრინავმა 3000 მეტრის სიმაღლე ერთ წუთში დაკარგა. ინდონეზიის ტრანსპორტის სამინისტრომ ინფორმაციით, სამძებრო და სამაშველო სამუშაოები მიმდინარეობს.
არსებული ინფორმაციით, თვითმფრინავი ბოლოს კუნძულ იავასთან, იავის ზღვის აკვატორიის თავზე დააფიქსირეს.
ფოტო: არქივი
