დიდი ბრიტანეთის მარეგულირებელმა ორგანომ ოქსფორდის უნივერსიტეტისა და ფარმაცევტული კომპანია AstraZeneca-ს მიერ შემუშავებული ვაქცინა დაამტკიცა.
გავრცელებული ინფორმაციით, Oxford-AstraZeneca-ს ვაქცინით მოსახლეობის იმუნიზაციის პროგრამა ორშაბათიდან დაიწყება. ამჟამად ქვეყანაში Pfizer/BioNTech-ის ვაქცინით მიმდინარეობს მოსახლეობის მასობრივი ვაქცინაცია.
დიდი ბრიტანეთის მთავრობამ უკვე შეუკვეთა Oxford-AstraZeneca-ს ვაქცინის 100 მლნ დოზა, რაც 50 მლნ ადამიანის ასაცრელად არის საკმარისი.
ბრიტანეთს ჯანდაცვის მდივნის, მეთ ჰენკოკის განცხადებით, ამ ორი ვაქცინით უკვე შესაძლებელი იქნება მთელი მოსახლეობის დაფარვა.
Pfizer/BioNTech-ის ვაქცინისგან განსხვავებით Oxford-AstraZeneca-ს ვაქცინას ის უპირატესობა აქვს, რომ მისი შენახვა და ტრანსპორტირება გაცილებით უფრო მარტივია. Pfizer/BioNTech-ის ვაქცინის შესანახად საჭიროა სპეციალური მაცივრები, რომლებიც -70 გრადუსზე ყინავს, Oxford-AstraZeneca-ს ვაქცინის შენახვა კი ჩვეულებრივ ლაბორატორიულ მაცივრებშიც არის შესაძლებელი.