ირანის საბაჟო სამსახურის უფროსი სომხეთის მეწარმეებთან ეფექტური თანამშრომლობის გაუმჯობესების მიზნით ერევანს ეწვევა, ამის შესახებ სომხეთ-ირანის ბიზნესფორუმზე სომხეთის პრემიერ-მინისტრმა ტიგრან სარგსიანმა განაცხადა.
როგორც "ჯი-ეიჩ-ენის" კორესპოდენტი ერევნიდან იტყობინება, სომხეთის პრემიერ-მინისტრმა განსაკუთრებით მნიშვნელოვანი უწოდა ირანული მხარის წინადადებას ერთიანი "საბაჟო კარების" შექმნას, რომელიც საბაჟო პროცედურების გამარტივებას ითვალისწინებს.
მისი განცხადებით, ახალი თანამშრომლობა ითვალისწინებს, რომ სამეურნეო სუბიექტებს მხოლოდ ერთხელ მოუწევთ განბაჟების პროცესში მონაწილეობის მიღება, რაც ორ ქვეყანას შორის შესაბამისი ინფრასტრუქტურის შექმნის აუცილებლობას ქმნის და ასევე იმ ნორმების შემოღებას, რომელიც მისაღები და ხელმისაწვდომი იქნება ყველა მეურნე სუბიქტისათვის.
სარგსიანმა ასევე აღნიშნა, რომ სნიუკში შეიქმნება სამრეწველო ზონა, რათა მოხდეს არსებული პოტენციალის ზრდა, რაც ამჟამად სოფლის მეურნეობის მსუბუქი მრეწველობისა და ქვეყნის სხვა სფეროებშია. სომხეთის პრემიერ-მინისტრმა განაცხადა, რომ ამ ზონის შექმნა გააქტიურებს რკინიგზის ხაზის მშენებლობის პროექტს და მასში კერძო სექტორის მიერ ინვესტიციების ჩადებას.