ესპანეთის ხელისუფლება გეგმავს, შექმნას იმ ადამიანების რეესტრი, რომლებიც უარს იტყვიან კორონავირუსის საწინააღმდეგო ვაქცინაციაზე. ამის შესახებ ესპანეთის ჯანდაცვის მინისტრმა,ს სალვადორ ილიამ განაცხადა.
მინისტრის განცხადებით, აღნიშნული რეესტრი, მასში მოთავსებული მოქალაქეების პირადი ინფორმაციით, ხელმისაწვდომი ვერ გახდება ფართო საზოგადოებისა და დამსაქმებელი ორგანზიაციებისთვის.
მისივე თქმით, ესპანეთის მთავრობა რეესტრს გაუზიარებს ევროკავშირის ქვეყნებს.
ესპანეთის ჯანდაცვის მინისტრის განცხადებით, ვირუსის დასამარცხებლად "ყველა ჩვენგანის ვაქცინაცია აუცილებელია - რაც მეტი მით უკეთესი".
სალვადორ ილიამ კიდევ ერთხელ გაუსვა ხაზი იმას, რომ ვაქცინაცია არ იქნება სავალდებულო და რომ რეესტრი შეიქმნება მონაცემთა დაცვის მაქსიმალური პატივისცემით.
ესპანეთი ერთ-ერთია იმ ქვეყანათა შორის, რომელიც ყველაზე მეტად დააზარალა კორონავირუსმა. ამჟამად ქვეყანაში მიმდინარეობს Pfizer/BioNTech-ის ვაქცინით მოსახლეობის მასობრივი ვაქცინაციის პროგრამა.