ირანში ადგილობრივი წარმოების ვაქცინის ტესტირება დაიწყეს. იუწყება ადგილობრივი მედია.
გავრცელებული ინფორმაცით, ვაქცინის პირველი დოზა, ირანის უზენაესი ლიდერის ბრძანებათა აღმასრულებელი საბჭოს პრეზიდენტის, მოჰამედ მოხბერის ქალიშვილმა, თაიბეჰ მოხბერმა მიიღო, ნიშნად იმისა, რომ ვაქცინა უსაფრთხოა.
"ეს იყო გზავნილი ირანელი ხალხისთვის, რომ ჩვენ გვწამს იმის, რასაც ჩვენს ხალხს ვთავაზობთ და თუ რაიმე გართულება იქნება ყველ ჩვენგანი და ჩვენი ოჯახის წევრი თავისი ნებით მიიღებს მათ", - თქვა ირანის ჯანდაცვის მინისტრმა.
ამასთან მოჰამედ მოხბერმა განაცხადა, რომ ირანს თვეში დაახლოებთ 1.5 მლნ დოზის წარმოება შეეძლება.
მისივე თქმით, ირანელი ხალხი დარწმუნებული უნდა იყოს, რომ ვაქცინის გამოცდისას ქვეყანა ჯანმრთელობის მსოფლიო ორგანიზაციის სტანდარტების მიხედვით მოქმედებს.
ირანის ლიდერებმა მანამდე არაერთხელ განაცხადეს, რომ აშშ-ის მიერ დაწესებული სანქციები ხელს უშლის ქვეყანას კორონავირუსის ვაქცინებზე წვდომაში.
თეირანმა ხელი მოაწერა ჯანმრთელობის მსოფლიო ორგანიზაციის კოვაქს სქემას, რომელიც მიზნად ისახავს ვაქცინების გლობალურ განაწილებას
ირანში კორონავირუსის 1.2 მილიონზე მეტი შემთხვევა გამოვლინდა, გარდაიცვალა 55 000-მდე ადამიანი.
ფოტო: Reuters
