რუსეთის განათლების სამინისტრო აცხადებს, რომ ამერიკული ვიდეოკომუნიკაციების პლატფორმა Zoom-ის რუსული ანალოგი შექმნეს.
უწყების ინფორმაციით, დისტანციური სწავლების ახალ ეროვნულ პლატფორმას "გონების სფერო" უწოდეს.
მათივე განცხადებით, რუსული პლატფორმა წარმატებით გამოიცადა მოსკოვში და ახლა მისი ტესტირება რუსეთის 15 რეგიონში მიმდიონარეობს. ახალი პლატფორმა უფასოდ გადაეცემა სკოლებს.
"ეს სისტემა დაცულია, მასზე ჰაკერული თავდასხმები არ იქნება შესაძლებელი", - ირწმუნება რუსეთის განათლების მინისტრი.
გავრცელებული ცნობით, თავდაპირველად ელექტრონული პლატფორმას სკოლებში დისტანციური სწავლებისთვის გამოიყენებენ. მომავალში შესაძლოა გაიზარდოს მისი გამოყენების სფერო.
ვიდეკომუნიკაციების პლატფორმა Zoom დაახლოებით 10 წლის წინ შეიქმნა, თუმცა მისი პოპულარობა განსაკუთრებით 2020 წლის დასაწყისში გაიზარდა, რადგან კორონავირუსის პანდემიის გამოდაწესებული შეზღუდვების გამო, სასწავლო დაწესებულებები და კომპანიები მუშაობისა და სწავლების დისტანციურ რეჟიმზე გადავიდნენ.
