ერთიანი ნაციონალური მოძრაობის თავმჯდომარე ნიკა მელია გახდა. ცოტა ხნის წინ დასრულდა ფეისბუკგამოკითხვა, რომელშიც ნაციონალური მოძრაობის მხარდამჭერებს თავმჯდომარის თანამდებობის დასაკავებლად, ნიკა მელიასა და ლევან ვარშალომიძეს შორის უნდა გაეკეთბინად არჩევანი.
მელიამ მხარდამჭერების 13 400 ხმა მიიღო, ლევან ვარშალომიძემ კი - 7 200.
ნიკა მელია პარტიის თავმჯდომარის თანამდებობაზე ყრილობამ უნდა დაამტკიცოს.
ერთიანი ნაციონალური მოძრაობის ყოფილმა თავმჯდომარემ, გრიგოლ ვაშაძემ პარტია 15 დეკემბერს დატოვა. ვაშაძემ განცხადება Facebook-ზე გამოაქვეყნა. ის ენმ-ს დატოვების მიზეზად ასახელებს "პარტიული სტრატეგიის არარსებობას", პარტიის გარშემო და შიგნით "ოდიოზური ფიგურების" გამოჩენას, "ელჩების წინააღმდეგ გაჩაღებული თავდასხმისა და შეურაცხყოფის კამპანიას" და "სხვა პრობლემებს".
