შაბათს, 19 დეკემბერს ისრაელში კორონავირუსის მასობრივი ვაქცინაცია დაიწყო. Pfizer/BioNTech-ის ვაქცინა პირველმა ისრაელის პრემიერ-მინისტრმა, ბენიამინ ნეთანიაჰუმ გაიკეთა.
კორონავირუსის ვაქცინა ნეთანიაჰუმ პირდაპირ ეთერში გაიკეთა.
Pfizer/BioNTech-ის ვაქცინის ისრაელში ტრანსპორტირება გასულ კვირას დაიწყო. ოფიციალური უწყებების განცხადებით, მიმდინარეობს მოლაპარაკებები Moderna-ს და AstraZeneca-ს ვაქცინების შესაძენად,
ისრაელში იმედოვნებენ, რომ წლის ბოლომდე მოსახლეობის 20%-ის იმუნიზაციას მოახერხებენ.
გამოკითხვების თანახმად, ისრაელის მოსახლეობის ორი მესამედი აპირებს გაიკეთოს კორონავირუსის საწინააღმდეგო ვაქცინა. ოფიციალური პირები ცდილობენ დაარწმუნონ მოსახლოება, რომ ვაქცინა უსაფრთხო და ეფექტურია.
ისრაელში, სადაც 9 მილიონი ადამიანი ცხოვრობს, კორონავირუსის 372 401 შემთხვევაა აღრიცხული, გარდაიცვალა 3 070 ადამიანი.
ფოტო: Reuters
