28-29 ოქტომბერს ივ. ჯავახიშვილის სახელობის თბილისის სახელმწიფო უნივერსიტეტში CERN -ის ექსპერტები ეწვევიან.
ბირთვული კვლევების ევროპული ორგანიზაციის (CERN) მსოფლიოში ყველაზე ძვირადღირებული და მაშტაბური პროექტის - AtLAS - ფარგლებში პირველად სამხრეთ კავკასიის ქვეყნებისთვის გაიმართება სამუშაო შეხვედრა.
CERN-იდან ჩამოსული 12 ექსპერტი საქართველოს, სომხეთისა და აზერბაიჯანის ბირთვულ კვლევებში მომუშავე სპეციალისტებს თეორიულ და 5 პრაქტიკულ სესიას ჩაუტარებს ინფორმაციული ტექნოლოგიების ინჟინერიაში.
სამუშაო შეხვედრების ერთ-ერთ მიზანს CERN-ში შექმნილი ახალი ინტერნეტსისტემის _ GRID-ის პრეზენტაცია, მისი შესაძლებლობებისა და მოხმარების წესის გაცნობა წარმოადგენს.
ახალი ინტერნეტსისტემა არსებულზე ათასჯერ უფრო სწრაფი და, შესაბამისად, მეტი მოცულობის იქნება.
