"ევროპის უნივერსიტეტში" სტუდენტური თვითმმართველოს პრეზიდენტის და ვიცე-პრეზიდენტის არჩევნები გაიმართა.
კენჭისყრა 17:00-დან 18:00 საათამდე მიმდინარეობდა, შედეგად გამოვლინდა თვითმმართველობის პრეზიდენტი - სამართლის, ჰუმანიტარულ და სოციალურ მეცნიერებათა ფაკულტეტის სტუდენტი თინათინ ქურასბედიანი.
დანარჩენ კანდიდატებს შორის ხმები თანაბრად გადანაწილდა, რის გამოც ვიცე-პრეზიდენტის არჩევის მიზნით მეორე ტურის ჩანიშვნა გახდა საჭირო.
არჩევნების მეორე ტურის შედეგად თვითმმართველობის ვიცე-პრეზიდენტი ბიზნესის და ტექნოლოგიების ფაკულტეტის პირველი კურსის სტუდენტი კახა ფუტკარაძე გახდა.
პრეზიდენტის და ვიცე-პრეზიდენტის არჩევამდე მომსახურების ცენტრი სტუდენტური თვითმმართველობის ახალ შემადგენლობას შეხვდა, რომლის დროსაც სტუდენტები თვითმმართველობის არსებულ დებულებას გაეცნენ.