სახელმწიფო დღეს გაცილებით უფრო მომზადებულია, სრულად აკონტროლებს სიტუაციას“,- ამის შესახებ მთავრობის ადმინისტრაციის ხელმძღვანელმა, ნათია მეზვრიშვილმა საკოორდინაციო საბჭოს სხდომის დასრულების შემდეგ განაცხადა. მისივე განმარტებით, საქართველოში სრული კარანტინისა და საგანგებო მდგომარეობის გამოცხადება არ იგეგმება.
"კიდევ ერთხელ შევახსენებთ მოსახლეობას, უნდა გვეკეთოს პირბადე, დავიცვათ დისტანცია და მაქსიმალურად შევიკავოთ თავი თავყრილობებისგან. წლის დასაწყისში განვაცხადეთ, რომ ჯანდაცვის სისტემა იყო მოსამზადებელი, სწორედ ამიტომ გამოვაცხადეთ საგანგებო მდგომარეობა, გავატარეთ მკაცრი ზომები, სისტემის მოსამზადებლად უნდა შეგვეკავებინა ვირუსის გავრცელება. სისტემა დღეს მაქსიმალურად არის მომზადებული. სახელმწიფო დღეს გაცილებით უფრო მომზადებულია, სრულად აკონტროლებს სიტუაციას",- განაცხადა ნათია მეზვრიშვილმა.