NDI - ეროვნულ დემოკრატიული ინსტიტუტი ოქტომბრის საპარლამენტო არჩევნებზე სადამკვირვებლო მისიას არ გამოგზავნის. ამის შესახებ ორგანიზაციის მიერ გავცელებულ განცხადებაშია ნათქვამია.
ორგანიზაციის განმარტებით, ეს გადაწყვეტილება კორონავირუსის პანდემიასთან დაკავშირებული გარემოებების გამო მიიღეს.
მათივე თქმით, საპარლამენტო არჩევნების წინმსწრებ და თანმდევ პროცესებს დისტანციურად დააკვირდებიან.
"გლობალური პანდემია კვლავ არ ექვემდებარება კონტროლს ბევრ ქვეყანაში, მათ შორის ამერიკის შეერთებულ შტატებში. სწორედ არსებული საერთაშორისო მდგომარეობის გათვალისწინებით და სადამკვირვებლო მისიის ჩამოყვანის რისკებიდან გამომდინარე, ასევე არსებულ გარემოში პარტნიორებისა და საკუთარი ორგანიზაციის ამ რისკებთან გამკლავების შესაძლებლობის გათვალისწინებით, „ენდიაიმ“ გადაწყვიტა, არ გამოგზავნოს საერთაშორისო სადამკვირვებლო მისია ოქტომბრის არჩევნებისთვის", - აღნიშნულია განცხადებაში.