ჩვენი ამოცანაა, შევქმნათ პროდასავლური კოალიცია, რომელიც ხალხის პრობლემებს გადაწყვეტს. ასე ეხმიანება "ევროპული საქართველოს" ერთ-ერთი ლიდერი, დავით ბაქრაძე ოპოზიციური პარტიების მიერ ერთობლივი მემორანდუმის გაფორმებას.
"ჩვენი ამოცანაა, მშვიდობიანად, პოლიტიკურად ჩამოვაცილოთ ხელისუფლებას "ქართული ოცნება" და შევქმნათ ეფექტური, პროდასავლური კოალიცია, რომელიც გადაწყვეტს ხალხის პრობლემებს. ამიტომ, პირიქით, ყველა ნაბიჯი, რომელსაც ჩვენ ვდგამთ, ემსახურება იმას, რომ ქვეყანაში არ იყოს პოლიტიკური კრიზისი, ქვეყანაში არ არსებობდეს ხელისუფლება, რომელიც ვერ დგამს ნაბიჯებს და შეიქმნას ის პროდასავლური, კოალიციური მთავრობა, რომელიც ქვეყანას არა თუ კრიზისში არ შეიყვანს, არამედ ამ კრიზისიდან გამოიყვანს და პრობლემების მოგვარებას დაიწყებს", - განაცხადა დავით ბაქრაძემ.
შეგახსენებთ, ოპოზიციურმა პარტიებმა ხელი მოაწერეს მემორანდუმს, რომელიც არჩევნებში ერთმანეთის ხმების დაცვას ითვალისწინებს.
