მივიღე გადაწყვეტილება, დავტოვო პარტია „თავისუფალი დემოკრატები“, - ამის შესახენ ნათქვამია პარტია „თავისუფალი დემოკრატების“ თავმჯდომარის, შალვა შავგულიძის განცხადებაში, რომელმაც თავისუფალი დემოკრატები დატოვა.
მისი თქმით, ეს გადაწყვეტილება პარტიის გამგეობაში შექმნილმა არაჯანსაღმა ვითარებამ მიაღებინა.
„ამგვარად, ვეღარ ვხედავ აღნიშნულ პირებთან ერთ პოლიტიკურ გუნდში დარჩენის შესაძლებლობას. და რადგან ისინი პარტიის გამგეობის უმრავლესობას წარმოადგენენ, მივიღე გადაწყვეტილება, დავტოვო პარტია „თავისუფალი დემოკრატები“. იგივე პოზიციას იზიარებენ და პარტიის რიგებს ტოვებენ მისი ლიდერები: ნინო გოგუაძე და სანდრო ბარამიძე. ასევე, „თავისუფალი დემოკრატების“ ახალგაზრდული ორგანიზაციის ლიდერი - გიორგი ქიტიაშვილი.
რამდენადაც ჩემთვის ცნობილია, იგივე პოზიცია აქვთ პარტიის სხვა წევრებსაც. მათ შორის, რეალურად მოქმედი და აქტიური რეგიონული ორგანიზაციების ხელმძღვანელებს და წარმომადგენლებს.
პარტიიდან წამოსვლის შემდეგ, ჩვენ, ინდივიდუალურად, პარტიული კუთვნილების გარეშე, გავაგრძელებთ თანამშრომლობას „ევროპულ საქართველოსთან“ და არჩევნებში მათთან ერთად მივიღებთ მონაწილეობას, რაზეც მათგან უპირობო შემოთავაზება გვაქვს“, - თქვა .
„საზოგადოებას ალბათ ახსოვს, 2016 წლის საპარლამენტო არჩევნების შემდეგ თუ როგორ დატოვა „თავისუფალი დემოკრატების“ რიგები პარტიის ლიდერთა დიდმა ნაწილმა, რომელთა უმრავლესობა მალევე „ქართული ოცნების“ ხელისუფლებაში აღმოჩნდა“, - ამბობს შავგულიძე და ამასთან, აღნიშნავს, რომ 2020 წლის გაზაფხულზე პარტიის გამგეობის ყველა წევრი, განსხვავებული მოტივაციით, მაგრამ ერთხმად ეჭერდა მხარს „ევროპულ საქართველოსთან“ საარჩევნო ბლოკის შექმნას და ოქტომბრის საპარლამენტო არჩევნებში ამ სახით მონაწილეობას.
კიდევ ერთი უთანხხმაბე, რომზლეც შავგულიძე საუბრობს, საარჩევნო სიის საკითხი. „გამგეობისუმრავლესობამ შეცვალა პოზიცია პარტიის საარჩევნო სიის თაობაზე. კერძოდ, მათ დააყენეს საკითხი, რომ სიაში მე-2 ნომრად დასახელებულიყო 2016 წლის საპარლამენტო არჩევნებში ლაგოდეხის საარჩევნო ოლქში „თავისუფალი დემოკრატების“ მაჟორიტარობის კანდიდატი, ვახტანგ მჭედლიძე. მე არ დავეთანხმე გამგეობის აღნიშნული უმრავლესობის ამ პოზიციას, ვინაიდან ვახტანგ მჭედლიძეს, 2017 წლის თებერვალში გამგეობის წევრად არჩევის შემდეგ მთელი 3 წლის მანძილზე, 2020 წლამდე, არავითარი კომუნიკაცია პარტიასთან არ ჰქონია და შესაბამისად, არანარი მონაწილეობა პარტიის პოლიტიკურ საქმიანობაში მას არ მიუღია. ამგვარად, მე ვერ ვხედავდი არგუმენტს იმის დასაშვებად, რომ პარტიის საარჩევნო სიაში მას მე-2 ადგილი დაეკავებინა, საზოგადოებისათვის კარგად ცნობილი პარტიის ისეთი ლიდერების წინ, როგორებიც გახლდათ ნინო გოგუაძე, სანდრო ბარამიძე, ლევან სამუშია, რომელთა შრომითაც იყო შექმნილი პარტიის სახე, მისი პოლიტიკური წონა და ავტორიტეტი“, - ამბობს შავგულიძე.
„გამოჩნდა სხვა გარემოებებიც, რომელთაც გაზარდეს უნდობლობა აღნიშნულ პირთა მიმართ. მაგალითისთვის ვიტყვი მხოლოდ ერთს - ცოტა ხნის წინ „ქართული ოცნების“ მაჟორიტარობის 30 კანდიდატის წარდგენის საზეიმო ცერემონიალს, მხარდამჭერის სტატუსით ესწრებოდა გამგეობის აღნიშნული უმრავლესობის ერთ-ერთი წარმომადგენელი და იმავდროულად ჩვენი პარტიის საგარეო მდივანი - ექიმი, დევი ტაბიძე. სავალალო ის არის, რომ არც თავად დევი ტაბიძე და არც გამგეობის ზემოხსენებული წევრები, პრობლემას ამ გარემოებაში ვერ ხედავენ“, - წერია განცხადებაში.
