უკრაინის საგარეო საქმეთა სამინისტრო 2008 წლის აგვისტოს ომის 12 წლისთავზე საქართველოს მხარდამჭერ განცხადებას ავრცელებს.
"უკრაინა მკაცრად გმობს 2008 წლის 7 აგვისტოს რუსეთის მიერ საქართველოს წინააღმდეგ წამოწყებულ ომს. რუსეთი აგრძელებს უკანონო ოკუპაციას საქართველოს სუვერენული ტერიტორიებისა აფხაზეთსა და ცხინვალის რეგიონში. რუსეთის საოკუპაციო რეჟიმის მიერ გადაგმული ნაბიჯები ფაქტობრივი ანექსიისკენ არის მიმართული.
საქართველოს ოკუპირებული ტერიტორიების მიმდინარე "ბორდერიზაცია", საოოკუპაციიო ხაზზე საქართველოს მოქალაქეების სისტემატური დაკავება და გატაცება, მათი ძირითადი უფლებებისა და თავისუფლებების შეზღუდვა, უაღრესად რთული ჰუმანიტარული და უსაფრთხოების მდგომარეობა რუსეთის ფედერაციის მიერ აფხაზეთისა და ცხინვალის რეგიონის 12-წლიანი ოკუპაციის ძირითადი "მიღწევებია".
უკრაინა თანმიმდევრულად უჭერს მხარს საქართველოს სუვერენიტეტს და ტერიტორიულ მთლიანობას მისი საერთაშორისო დონეზე აღიარებულ საზღვრებში, აგრეთვე მოუწოდებს რუსეთის ფედერაციას შეწყვიტოს სამხედრო აგრესია საქართველოს წინააღმდეგ, გაიყვანოს რუსული ჯარები საქართველოს ოკუპირებული ტერიტორიებიდან და უზრუნველყოს ამ ტერიტორიებზე საერთაშორისო უფლებადამცველი და მონიტორინგის ორგანიზაციების შეუფერხებელი დაშვება.
უკრაინის საგარეო საქმეთა სამინისტრო მოუწოდებს საერთაშორისო თანამეგობრობას, გაზარდოს საერთაშორისო ზეწოლა და გააძლიეროს სანქციები რუსეთის ფედერაციის წინააღმდეგ, რათა აიძულოს იგი შეაჩეროს აგრესია საქართველოსა და უკრაინის წინააღმდეგ, ასევე მოახდინოს მათი სუვერენული ტერიტორიების დეოკუპაცია", - ნათქვამია განცხადებაში.
