საქართველო არ არის მარტო რუსული აგრესიის წინაშე და მას მხარს უჭერენ ძლიერი და ერთგული მეგობრები. ევროპარლამენტარი ვიოლეტა ფონ კრამონი 2008 წლის აგვისტოს ომის 12 წლისთავის მიკრობლოგ "ტვიტერზე" ეხმიანება.
კრამონის განცხადებით, რუსეთი ცეცხლის შეწყვეტის შესახებ შეთანხმებას არ ასრულებს, რის გამოც ქვეყანამ პასუხი უნდა აგოს.
"12 წელი გავიდა მას შემდეგ, რაც რუსეთი საქართველოში შეიჭრა და მისი ანექსია დაიწყო თუმცა ომი 2008 წელს არ დაწყებულა და არც დასრულებულა. 2008 წლის მოვლენებს ათწლეულების განმავლობაში წინ უძღოდა რუსული აგრესია და ის მცოცავი ოკუპაციითა და საქართველოს მოქალაქეების გატაცებით გაგრძელდა.
რუსეთს ამ დრომდე არ ასრულებს ცეცხლის შეწყვეტის შესახებ შეთანხმებას, რის გამოც მან პასუხი უნდა აგოს. რუსეთმა ანალოგიური აგრესული ტაქტიკა გამოიყენა უკრაინის წინააღმდეგაც.
როგორც ოკუპირებული ტერიტორიების "აღიარების პოლიტიკის" მარცხი აჩვენებს, საქართველო არ არის მარტო რუსული აგრესიის წინაშე და მას მხარს უჭერენ ძლიერი და ერთგული მეგობრები. ევროკავშირი მხარს საქართველოს სუვერენიტეტს, ტერიტორიულ მთლიანობასა და მის ევროპულ მომავალს", - წერს ვიოლა ფონ კრამონი.