ქართული ოცნების მაჟორიტარი კანდიდატები პოლიტიკურ თანამდებობებს 1-ლი აგვისტოდან დატოვებენ. ამის შესახებ განცხადებას პარტია ავრცელებს.
"1 აგვისტოდან თანამდებობებს დატოვებენ მაჟორიტარი დეპუტატობის კანდიდატებად დასახელებული კახეთის, შიდა ქართლის, მცხეთა-მთიანეთის სახელმწიფო რწმუნებულები და თბილისის მუნიციპალიტეტის ვაკის რაიონის გამგებელი.
ირაკლი ქადაგიშვილი - კახეთის სახელმწიფო რწმუნებული, გიორგი ხოჯევანიშვილი - შიდა ქართლის სახელმწიფო რწმუნებული, შალვა კერესელიძე - მცხეთა-მთიანეთის სახელმწიფო რწმუნებული, ნოდარ ტურძელაძე - ვაკის რაიონის გამგებელი
რაც შეეხება დეპუტატობის კანდიდატებად დასახელებულ სხვა ადმინისტრაციული თანამდებობის პირებს, ისინი თანამდებობებს საარჩევნო კამპანიის დაწყებისთანავე დატოვებენ", - წერია პარტიის განცხადებაში.
2020 წლის საპარლამენტო არჩევნები 31 ოქტომბერს გაიმართება.