ნებისმიერი გზავნილი, რომელიც კონგრესიდან მოდის სერიოზულად უნდა აღვიქვათ. ასე პასუხობს შეერთებული შტატების ელჩი საქართველოში კელი დეგნანი ამერიკელი კონგრესმენების წერილთან დაკავშირებით დასმულ შეკითხვას.
მისი თქმით, შეერთებულ შტატებში აღმასრულებელ და საკანონმდებლო ხელისუფლებებს შორის მკაფიო ზღვარია გავლებული და მას მიზანშეწონილად არ მიაჩნია წერილის შინაარსის კომენტირება.
"ჩვენი ქვეყნის ხელისუფლებაში მკაფიო დაყოფა არის შტოებს შორის. ეს წერილი გახლავთ საკანონმდებლო ორგანოს, კონგრესის შტოს წერილი და ჩემი მხრიდან არ იქნება მართებული, რომ განცხადება გავაკეთო. მნიშვნელოვანია, მოვუსმინოთ და სერიოზულად მივუდგეთ კონგრესიდან წამოსულ წერილებს, რადგან ეს ის ხალხია, ვინც წლებია, აკვირდება საქართველოს განვითარებას და ზრუნავენ მის წარმატებაზე", - განაცხადა კელი დეგნანმა.