არასამთავრობო ორგანიზაციამ," სამართლიანმა არჩევნებმა", ISFED საარჩევნო ადმინისტრაციის მონიტორინგის ანგარიში გამოაქვეყნა.
როგორც გამოქვეყნებულ ანგარიშში ვკითხულობთ, ცენტრალური საარჩევნო კომისიის თავმჯდომარის ანაზღაურებამ 2016-2019 წლებში ანაზღაურების სახით 654 936 ლარი მიიღო.
აქედან თანამდებობრივი სარგო - 444,159.6 ლარი, დანამატი - 142,226.4 ლარი, ხოლო პრემია/ჯილდო - 68,550 ლარი. აღნიშნულ პერიოდში, ცესკოს თავმჯდომარის მიერ მიღებულმა პრემიამ და დანამატმა ჯამში თანამდებობრივი სარგოს 47% შეადგინა (დანამატი- 32%, პრემია/ჯილდო - 15%).
ანგარიშის მიხედვით ირკვევა, რომ თამარ ჟვანიამ რამდენიმე თვის განმავლობაში ხელფასთან ერთად აიღო როგორც პრემია, ასევე დანამატი.
"სამართლიანი არჩევნების" შეფასებით პრემიისა და დანამატაის აღება ერთდროულად არასწორი პრაქტიკაა.
"2016-2017 წლებში ფიქსირდება ერთეული შემთხვევები, როდესაც მოხდა დანამატისა და პრემიის ერთდროული გაცემა არასაარჩევნო თვეს. რაც შეეხება საარჩევნო თვეებს, თანამდებობის პირებისთვის დანამატი და პრემია ერთდროულად გაიცა 2016 წლის აგვისტოს თვეში და ცესკოს წევრებისთვის ნოემბრის თვეში, ხოლო 2017 წლის სექტემბერში ასევე მხოლოდ ცესკოს წევრებისთვის.
მსგავსი ფაქტები უარყოფით პრაქტიკას წარმოადგენს,ვინაიდან გაუგებარია რა გამორჩეულ საქმიანობას ასრულებს პირი,რომ ორივეს გაცემის მოთხოვნას აკმაყოფილებს, განსაკუთრებითარასაარჩევნო პერიოდში", - წერია ISFED-ის ანგარიშში.
მონიტორინგის ანგარიში სრულად იხილეთ ბმულზე.
