შეერთებული შტატების სახელმწიფო დეპარტამენტმა, სახელმწიფო მდივან მაიკ პომპეოს სახელით გაავრცელა განცხადება უელესის დეკლარაციასთან დაკავშირებით, რომელშიც საქართველოს ტერიტორიების ოკუპაციის მიუღებლობაზეც არის საუბარი.
"შეერთებული შტატებს ისევე როგორც არასდროს უღიარებია ბალტიისპირეთის ქვეყნების იძულებითი ინტეგრაცია საბჭოთა კავშირში, არასდროს შეეგუება რუსეთის შეტევას საქართველოსა და უკრაინის სუვერენიტეტსა და ტერიტორიულ მთლიანობაზე, რომელსაც ის ყირიმის ანექსიით, აღმოსავლეთ უკრაინაში დესტაბილიზაციით, აფხაზეთისა და სამხრეთ ოსეთის ოკუპაციით ცდილობს", - ნათქვამია განცხადებაში.
შეგახსენებთ, დღეს უელესის დეკლარაციის 80 წლისთავია. ამ დეკლარაციის მიღებით 1940 წელს საფუძველი ჩაეყარა ამერიკის შეერთებული შტატების მხრიდან ბალტიის სამი სახელმწიფოს საბჭოთა ოკუპაციის არაღიარების პოლიტიკას
