"რესპუბლიკური პარტიის" თავმჯდომარის, ხათუნა სამნიძის განცხადებით, თბილისის საქალაქო სასამართლომ დააკმაყოფილა პარტიის სარჩელი და ის საარჩევნო რეგისტრაციას შეძლებს.
პარტიამ სასამართლომ მას შემდეგ მიმართა, რაც ცენტრალური საარჩევნო კომისიის თავმჯდომარის განკარგულებით, პარტიას საარჩევნო რეგისტრაციაზე უარი ეთქვა.
"ცესკოს თავმჯდომარის განმარტებით „საქართველოს საარჩევნო კოდექსი“ 197-ე მუხლის პირველი პუნქტის „ბ“ ქვეპუნქტის თანახმად, საქართველოს პარლამენტის არჩევნებში მონაწილეობის უფლების მისაღებად პარტიამ განცხადებით, ცესკოს თავმჯდომარეს პარლამენტის არჩევნების წლის 1 იანვრიდან 15 ივლისამდე უნდა მიმართოს.
რაც შეეხება „საქართველოს რესპუბლიკური პარტია“-ს მან საქართველოს პარლამენტის 2020 წლის არჩევნებისათვის საარჩევნო სუბიექტად რეგისტრაციის მიზნით, განცხადებით (№გ-01/14/07/20/28, ცესკოში რეგისტრაციის №1037) საქართველოს ცენტრალურ კომისიას ვადაგადაცილებით, 2020 წლის 15 ივლისს მიმართა", - იუწყებოდა ცესკო-ს პრესსამსახური.
რესპუბლიკელების განმარტებით, მათ ცენტრალურ საარჩევნო კომისიას 14 ივლისს მიმართეს, კერძოდ, განაცხადი ფოსტით გააგზავნეს.
