"ქართული ოცნება" მაჟორიტარობის კანდიდატებს 20 ივლისს დაასახელებს. ამის შესახებ პარტიის პრესსამსახურის მიერ გავრცელებულ ინფორმაციაშია ნათქვამია.
პრესსამსახურის ცნობით, პარტია "ქართული ოცნება - დემოკრატიული საქართველო" წინასაარჩევნო კამპანიას 20 ივლისს გახსნის.
"20 ივლისს, პოლიტიკური გაერთიანება „ქართული ოცნება - დემოკრატიული საქართველო“ 2020 წლის საპარლამენტო არჩევნების წინასაარჩევნო კამპანიას ხსნის და საქართველოს მასშტაბით მაჟორიტარი დეპუტატობის კანდიდატებს დაასახელებს", - იუწყება პრესსამსახური.
საპარლამენტო არჩევნები საქართველოში მიმდინარე წლის 31 ოქტომბერს გაიმართება.
