საქართველოს საგარეო საქმეთა მინისტრი, დავით ზალკალიანი 2020 წლის 13-14 ივლისს ვიზიტით ბრიუსელს ეწვევა.
საგარეო საქმეთა მინისტრი შეხვედრებს გამართავს ნატოსა და ევროკავშირში. კერძოდ დავით ზალკალიანი მონაწილეობას მიიღებს ნატო-საქართველოს კომისიის სხდომაში, სადაც სიტყვით მიმართავს ნატო-ს წევრი ქვეყნების მუდმივ წარმომადგენლებს.
დავით ზალკალიანი ასევე შეხვდება ნატოს გენერალური მდივნის მოადგილეს, მირჩა ჯოანას. სხდომაზე განხილული იქნება საქართველოს ნატოში ინტერგრაციის პროცესთან დაკავშირებული საკითხები და ნატო-საქართველოს თანამშრომლობის დღის წესრიგი, ასევე მინისტრი ისაუბრებს პანდემიის წინააღმდეგ საქართველოს მთავრობის მიერ გადადგმულ ნაბიჯებსა და დღეს არსებულ ვითარებაზე.
▪ ბრიუსელში ვიზიტის ფარგლებში დავით ზალკალიანი შეხვედრებს გამართავს ევროკავშირსა და ევროპარლამენტში, მათ შორის შეხვდება სამეზობლო პოლიტიკისა და გაფართოების საკითხებში ევროკომისარ ოლივერ ვარჰელს, ასევე შეხვედრა გაიმართება ევროპარლამენტში საქართველოს შესახებ მომხსენებელთან სვენ მიქსერთან.
▫ აღსანიშნავია რომ პანდემიის პირობებში ეს გახლავთ პირველი მაღალი დონის ვიზიტი საქართველოდან