საქართველოს საკალათბურთო ნაკრების კაპიტნის თორნიკე შენგელიას მოსკოვის ცსკ-ში გადასვლას საქართველოს პრეზიდენტი სალომე ზურაბიშვილი მიუღებელ და სამწუხარო ფაქტს უწოდებს.
"ჩემთვის სამწუხაროა და როგორც საქართველოს პრეზიდენტისთვის მიუღებელია, საქართველოს საკალათბურთო ნაკრების კაპიტნის გადაწყვეტილება მოსკოვის "ცსკა"-ში გადასვლასთან დაკავშირებით", - წერს სალომე ზურაბიშვილი ფეისბუკზე.
ცოტა ხნის წინ, გავრცელდა ინფორმაცია, რომ თორნიკე შენგელიამ მოსკოვურ კლუბთან 3-წლიანი კონტრაქტი გააფორმა.
