საქართველოს ეროვნული საკალათბურთო ნაკრების კაპიტანი, თორნიკე შენგელია აცხადებს, რომ მოხარულია მოსკოვის საკალათბურთო კლუბ ცსკა-ში გადასვლით. შენგელიას კომენტარს მოსკოვური საკალათბურთო კლუბი ავრცელებს.
"მოხარული ვარ, რომ შევუერთდი ევროპის ლიგის ჩემპიონთა გუნდს და ვემზადები შესანიშნავ მოთამაშეებთან ერთად თამაშისა და მწვრთნელებთან ერთად მუშაობისთვის. იმედი მაქვს, რომ წარმატებებს მივაღწევთ ევროპალიგასა და რუსეთის ჩემპიონატში", - განაცხადა შენგელიამ.
ცოტა ხნის წინ, გავრცელდა ინფორმაცია, რომ თორნიკე შენგელიამ მოსკოვურ კლუბთან 3-წლიანი კონტრაქტი გააფორმა.
