პარტია "ქართული მარში - ეროვნული მოძრაობის" დამფუძნებელი ყრილობა ილია ჭავჭავაძის სახლ-მუზეუმის ეზოში გაიმართა.
ახლადდაფუძნებული პარტიის ერთ-ერთი ლიდერის, სანდრო ბრეგაძის განცხადებით, მათი პოლიტიკური გაერთიანება ილია ჭავჭავაძის იდეებსა და პრინციპებთან სრულ თანხვედრაშია. როგორც ბრეგაძე ირწმუნება, სწორედ ამიტომ აირჩიეს ილია ჭავჭავაძის სახლ-მუზეუმი.
"ჩვენ, ფუძემდებლურად ვართ ილია ჭავჭავაძის პრინციპების გამგრძელებლები, თორემ "ნაციონალური მოძრაობა", ბოკერიას პარტია, ეს ურჯულოების კლასტერია ნამდვილად. მე საერთოდ ასეთ წესსაც დავაწესებდი, რომ ავუკრძალავდი მათ, არამარტო ილია ჭავჭავაზის სახლ-მუზეუმში შემოსვლას, არამედ ყველა ისეთ ძირითად, ჩვენს ფუძემდებლურ, სახემწიფოებრივ ადგილას ყოფნას, რომელსაც ისინი წაბილწავენ. რაც შეეხება თემატურ თანამშრმლობას, თუკი არჩევნები წარიმართა ისეთ რეჟიმში, რომელიც იქნება მიუღებელი ქართული საზოგადოებისთვის, საერთაშორისო საზოგადოებისთვის, ამ შემთხვევაში თემატურ თანამშრომლობას ჩვენ აბსოლუტურად, არავისთან არ გამოვრიცხავთ", - ამბობს სანდრო ბრეგაძე მთავარ არხთან საუბრისას.
სანდრო ბრეგაძის თქმით, პარტია "ქართული მარში" 2020 წლის საპარლამენტო არჩევნებში მონაწილეობის მიღებას გეგმავს და იმედოვნებს, რომ ბარიერსაც გადალახავს.