შეერთებული შტატების სენატის საგარეო ურთიერთობათა კომიტეტის თავმჯდომარე, ჯიმ რიში საქართველოს პარლამენტის მიერ საკონსტიტუციო ცვლილებების დამტკიცებას მიკრობლოგ "ტვიტერზე" ეხმიანება.
"მოხარული ვარ, რომ საქართველომ დაამტკიცა საკონსტიტუციო ცვლილებები, რომელიც გათვალისწინებული იყო 8 მარტის შეთანხმებით. ეს გაზრდის ქართველების ნდობას საკუთარი მთავრობის მიმართ და ხელს შეუწყობს დემოკრატიულ მონაწილეობას. ველოდები შეთანხმების სრულ განხორციელებას და საქართველოს დემოკრატიის გაღრმავებას", - დაწერა რიშმა.
საქართველოს პარლამენტმა კონსტიტუციური კანონის პროექტი "საქართველოს კონსტიტუციაში ცვლილების შეტანის შესახებ" რიგგარეშე სესიის 29 ივნისის პლენარული სხდომაზე 117 ხმით, საბოლოო - მესამე მოსმენით მიიღო.
კონსტიტუციური კანონის პროექტის თანახმად, საქართველოს პარლამენტის მომდევნო არჩევნებში არჩეული პარლამენტი შედგება პროპორციული სისტემით არჩეული 120 და მაჟორიტარული სისტემით არჩეული 30 პარლამენტის წევრისაგან.
გარდა ამისა კონსტიტუციური კანონის პროექტით რეგულირდება პარლამენტის წევრთა მანდატების განაწილებასთან, საარჩევნო ბარიერთან და ერთმანდატიან მაჟორიტარულ საარჩევნო ოლქებთან დაკავშირებული საკითხები.
ოპოზიციური პარტიები აცხადებენე, რომ სანამ გიორგი რურუა პატიმრობაში რჩება, 8 მარტის შეთანხმება შეუსრულებელი რჩება.
