ჩემი შეფასებით, ეს იყო საქართველოში კონსტიტუციური წესრიგის წინააღმდეგ მიმართული მიზანმიმართული ქმედება, წერს სოციალურ ქსელში ფრაქცია დამოუკიდებელი დეპუტატების წევრი ლევან კობერიძე. მისი განმარტებით, სუს-მა ეს ფაქტი უნდა გამოიძიოს და თუ ეს ახლა არ მოხდება, ამ ფაქტის გამოძიება იქნება 2020 არჩევნების შემდეგ.
"20 ივნისის უმძიმესი მოვლენები დაიწყო ხელისუფლებამ ოკუპანტი ქვეყნის, რუსეთის დუმის კომუნისტი დეპუტატის გავრილოვის საქართველოში ჩამოყვანით, საქართველოს პარლამენტში შეყვანით და პარლამენტის თავმჯდომარის სკამის მირთმევით. ხელისუფლებას ეს თანმიმდევრულობა უნდა რომ დაავიწყოს მოსახლეობას და მხოლოდ 20 ივნისის გავრილოვის ღამის მოვლენებზე საუბრობს და გმირად უნდა წარმოაჩინოს თავი
- ჩემი შეფასებით, ეს იყო საქართველოში კონსტიტუციური წესრიგის წინააღმდეგ მიმართული მიზანმიმართული ქმედება, ამდენად მაშინაც მოვითხოვდი და ახლაც მოვითხოვ სახელმწიფო უსაფრთხოების სამსახურმა დაიწყოს გამოძიება თუ ვინ დაგეგმა და განახორციელა ეს ქვეყნის წინააღმდეგ მიმართული ქმედება, რასაც პირველ რიგში ახალგაზრდების და შემდეგ ფართო საზოგადოების ერთიანი ძლიერი პროტესტი მოყვა.
- ხელისუფლება ყველაზე მთავარს, ამ ფაქტს უვლის გვერდს და საუბრობს მხოლოდ 20 ივნისის ღამის მოვლენებზე, სადაც არაპროპორციული ძალა გამოიყენა და 100 ზე მეტ სამართლიანი აქციის
მონაწილეს და 40 ზე მეტ ჟურნალისტს უმძიმესი დაზიანებები მიაყენა, 2 ადამიანმა მხედველობა დაკარგა....
სუს-მა უნდა გამოიძიოს ეს ფაქტი და თუ ეს ახლა არ მოხდება, ქვეყნის ღალატის ამ ფაქტის გამოძიება იქნება 2020 არჩევნების შემდეგ ახალი მთავრობისთვის ერთ-ერთი მთავარი დავალება!", წერს კობერიძე.
