საკონსტიტუციო ცვლილებებით თუ მის გარეშე, "ქართული ოცნება" უპირობო ლიდერია. აცხადებს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, სოფო კილაძე.
როგორც კილაძე ირწმუნება, "ქართული ოცნების" გუნდი პარლამენტში ინიცირებულ საკონსტიტუციო ცვლილებათა კანონპროექტს მხარს დაუჭერს.
"არ მაქვს მოლოდინი, რომ ჩვენი გუნდიდან ვინმე არ დაუჭერს მხარს საკონსტიტუციო ცვლილებებს იმიტომ, რომ "ქართულმა ოცნებამ" გასცა ეს დაპირება და ზუსტად იცის, რომ ამ ცვლილებებით თუ მის გარეშეც, პროპორციული თუ მაჟორიტარული საარჩევნო სისტემით, უპირობო ლიდერია არსებულ პოლიტიკურ სპექტრს შორის. ამიტომ ჩვენს ინტერესში არის, რომ ეს საკონსტიტუციო ცვლილებები მივიღოთ", - განაცხდა სოფო კილაძემ.
დღეს, საქართველოს პარლამენტის იურიდიულ საკითხთა კომიტეტი იწყებს საკონსტიტუციო ცვლილებათა პროექტის განხილავს, რომლის მიზანი არსებული საარჩევნო სისტემის შეცვლაა.
საკონსტიტუციო ცვლილებების მიხედვით, რომელზეც შეთანხმებას სახელისუფლებო პარტიამ და ოპოზიციამ 8 მარტს მიაღწიეს, პარლამენტის მომდევნო არჩევნებში არჩეული პარლამენტი შედგება პროპორციული სისტემით არჩეული 120 და მაჟორიტარული სისტემით არჩეული 30 პარლამენტის წევრისაგან.
დღეს მოქმედი სისტემით, პარლამენტის 150 წევრიდან 73 მაჟორიტარული, ხოლო 77 პროპორციული წესით აირჩევა.
საკონსტიტუციო ცვლილებების მისაღებად სულ მცირე 113 დეპუტატის ხმაა საჭირო. ამ დროისთვის განხილვაში მონაწილეობასა და საკონსტიტუციო ცვლილებების მხარდაჭერას არ აპირებენ ოპოზიციური პოლიტიკური პარტიები.
მათი განცხადებით, იმისათვის რომ ცვლილებათა პროექტს მხარი დაუჭირონ, აუცილებელია 8 მარტის შეთანხმების სრულად შესრულება და გიორგი რურუას გათავისუფლება.
კონსტიტუციური კანონპროექტი სრულად.
