ევროპის სახალხო პარტიის პრეზიდენტი და ევროკავშირის საბჭოს ყოფილი პრეზიდენტი დონალდ ტუსკი საქართველოს ხელისუფლებას 8 მარტის შეთანხმების სრულად შესრულებასა და გიორგი რურუას გათავისუფლებას მოუწოდებს.
"ევროპის სახალხო პარტია მიესალმება საქართველოს მთავრობასა და ოპოზიციას შორის მიღწეულ 8 მარტის შეთანხმებას, როგორც დაძაბულობისა შემცირების ძირეულ შესაძლებლობას.
ამავდროულად, ჩვენ კვლავ შეშფოთებულები ვართ, რომ გიორგი რურუა ისევ საპატიმროში რჩება. მოვუწოდებთ ხელისუფლებას შეთანხმების სრულად შესრულებისა და რურუას გათავისუფლებისკენ", - წერს დონალდ ტუსკი მიკრობლოგ "ტვიტერში".
