ჟურნალისტ გიორგი გაბუნიას შესაძლო ლიკვიდაციის საქმეს და რუსეთის მოქალაქის დაკავებას მმართველ გუნდში ეხმაურებიან.
"ქართულ ოცნებაში" აცხადებენ, რომ გავრცელებული ინფორმაცია სამწუხაროა და შესაბამისი სამსახურების მუშაობის შედეგად ეს საფრთხე თავიდან იქნა აცილებული.
"ეს საკითხი ბოლომდე არ ვიცი, თუმცა ისტერია გაბუნიასაც არ დაუკლია არავისთვის, ამიტომ ვერ გეტყვით რასთან გვაქვს საქმე. ასე ხდება, თუ ყველა ინფორმაცია არ გაქვს, დასკვნის გაკეთება საკმაოდ რთულია.
დღევანდელი მსოფლიო ასეთი ადამიანების მიმართ საკმაოდ მოწყვლადია და საქართველო გამონაკლისი არ არის. ისე კი სამწუხარო ფაქტია, რა თქმა უნდა”, - აცხადებს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია.
