"ახლა შურის დრო არ არის, ბოღმის დრო არ არის, ძველი ანგარიშების გასწორების დრო არაა, ჩემთან დატოლების დროც არაა, იმიტომ რომ გარწმუნებთ, ჯერ ერთი ვერ დამეტოლებით ბევრი მიზეზის გამო და მეორეც, მე ამითი არაფერი დამაკლდება და საერთო საქმეს აკლდება", - ასე უპასუხა საქართველოს მესამე პრეზიდენტმა, მიხეილ სააკაშვილმა ნიკა გვარამიას დასმულ შეკითხვას, თუ როგორ შეაფასებდა სხვადასხვა ოპოზიციონერი ლიდერის განცხადებას, ერთიანი საარჩევნო სიის თაობაზე.
შეგახსენებთ, რამდენიმე დღის წინ, მიხეილ სააკაშვილი გამოვიდა ინიციატივით, ოპოზიცია ერთიანი საარჩევნო სიით წარდგეს საპარლამენტო არჩევნებზე, რასაც ოპოზიციის ნაწილის, მათ შორის გიგა ბოკერიას, შალვა ნათელაშვილისა და მამუკა ხაზარაძის, მხრიდან კრიტიკა მოჰყვა.