6 თვის განმავლობაში გადავადებული სესხების პროცენტი უნდა ჩამოიწეროს, შემდგომ პერიოდში, უნდა განახევრდეს. აცხადებს პოლიტიკური პარტია "ახალი საქართველოს" ლიდერი გიორგი ვაშაძე.
გიორგი ვაშაძის განცხადებით, საქართველოში საპროცენტო განაკვეთი, მსოფლიოს სხვა ქვეყნებთან შედარებით, ყველაზე მაღალია.
მისი თქმით, საპროცენტო განაკვეთის შემცირების მოთხოვნით ხელმოწერების შეგროვებას დაიწყებს.
"გადავადებული სესხები უნდა ჩამოიწეროს. ხოლო შემდეგ პერიოდში, მინიმუმ, უნდა განახევრდეს პროცენტი. ჩვენ ამისთვის ვაპირებთ ბრძოლას, ხელმოწერების შეგროვებას, შეთავაზებას მთავრობისთვის. თუ არ გააკეთებენ, პირველი კანონი რასაც დავარეგისტრირებ, იქნება კანონი, რომელმაც ეს მონოპოლია უნდა დაამსხვრიოს და მოქალაქეებისთვის პროცენტი სესხზე უნდა გააიაფოს",- აცხადებს გიორგი ვაშაძე.
