საქართველოს პარლამენტის დამოუკიდებელი დეპუტატები მარიამ ჯაში, ბექა ნაცვლიშვილი, ლევან გოგიჩაიშვილი, ზვიად კვაჭანტირაძე და გედევან ფოფხაძე და საკრებულოს წევრი ჯაბა ჯიშკარიანი ახალი პოლიტიკურ პარტიას აფუძნებენ.
პარტია "ჩვენი საქართველო სოლიდარობის ალიანსის" დამფუძნებელი ყრილობა დღეს, საგამოფენო ცენტრ ექსპო ჯორჯიაში გაიმართა.
პარტიის თავმჯდომარე ბექა ნაცვლიშვილი იქნება, პოლიტსაბჭოს თავმჯდომარე ზვიად კვაჭანტირაძე, ხოლო გენერალური მდივანი მარიამ ჯაში.
პარტიის წარმომადგენლების განცხადებით, ოქტომბრის საპარლამენტო არჩევნებში დამოუკიდებლად მიიღებენ მონაწილეობას და კატეგორიულად გამორიცხავენ მმართველ პოლიტიკურ ძალასთან და ოპოზიციურ გაერთიანებასთან თანამშრომლობას.
დამოუკიდებელმა დეპუტატებმა "ქართული ოცნება" 2019 წელს დატოვეს.
