🔴1 ივნისის სხდომაზე კომისიამ დაიწყო საჯარო ადმინისტრაციული წარმოება ელექტროენერგიის ბაზრის წესების დამტკიცების თაობაზე. კომისიაში წინადადებების წარდგენის ბოლო ვადად განისაზღვრა - 2020 წლის 29 ივნისი, ხოლო აქტის გამოცემის ბოლო ვადად - 2020 წლის 16 აგვისტო.
⭕️„ენერგეტიკისა და წყალმომარაგების შესახებ“ საქართველოს კანონის 29-ე მუხლის პირველი პუნქტის „ი.ზ“ ქვეპუნქტის თანახმად, კომისია გადასინჯავს და ამტკიცებს ბაზრის ოპერატორების მიერ მომზადებულ ბაზრის წესებს. ამასთან, კომისიამ გასცა ელექტროენერგიის ბაზრის ოპერატორის ლიცენზიები სს „საქართველოს ენერგეტიკულ ბირჟაზე“ და სს „საქართველოს სახელმწიფო ელექტროსისტემაზე“, დღით ადრე და დღიური ბაზრების და საბალანსო და დამხმარე მომსახურებების ბაზრის სეგმენტებისათვის. კანონის შესაბამისად, ელექტროენერგიის ბაზრის ოპერატორი კანონით ან/და ელექტროენერგიის ბაზრის წესებით განსაზღვრული უფლებამოსილების ფარგლებში და ელექტროენერგიის ბაზრის მოდელის კონცეფციის შესაბამისად უზრუნველყოფს საქართველოში ელექტროენერგიის ორგანიზებული ბაზრების შესაბამისი სეგმენტის (სეგმენტების) ორგანიზებას ელექტროენერგიით ვაჭრობის, აგრეთვე ელექტროენერგიის სხვა, მეზობელ ორგანიზებულ ბაზრებთან დაკავშირებისა და ინტეგრაციის მიზნით. ელექტროენერგიის ბაზრის ორგანიზება ელექტროენერგიის ბაზრის წესებით წესრიგდება, ხოლო ამავე კანონის 123-ე მუხლის მე-3 პუნქტის თანახმად, ელექტროენერგიის ბაზრის წესებით განისაზღვრება ელექტროენერგიის ბაზრის ორგანიზებისა და ოპერირების წესი.
⭕️ ამასთან, კანონის 162-ე მუხლის მე-2 პუნქტის „ა.ა“ ქვეპუნქტის თანახმად, შესაბამისი ბაზრის მოდელის კონცეფციის დამტკიცებიდან 4 თვის ვადაში ამ კანონისა და საქართველოს მთავრობის მიერ დამტკიცებული ბაზრის მოდელის კონცეფციის მოთხოვნების გათვალისწინებით კომისიამ უნდა უზრუნველყოს შესაბამისი სექტორის ბაზრის წესების დამტკიცება.
🔴 საქართველოს ელექტროენერგეტიკული სისტემის შემდგომი განვითარებისათვის მნიშვნელოვანია შესაბამისი საკანონმდებლო ბაზის დროული განვითარება (მათ შორის, ელექტროენერგიის ბაზრის წესების დროული დამტკიცება), ასევე, დღით ადრე და დღიური ბაზრების პლატფორმის ჩამოყალიბება/გამართვა, ტესტირება, პოტენციურ მონაწილეებთან სიმულაციურ რეჟიმში გაშვება და დანერგვა, აუცილებელია „ელექტროენერგიის ბაზრის წესების დამტკიცების თაობაზე დროულად დაიწყოს საჯარო ადმინისტრაციული წარმოება. ამასთან შესაბამისი ბაზრის ოპერატორების მიერ წარმოდგენილი წესების პროექტების შინაარსი, მათში გამოყენებული ტერმინებისა და ძირითადი პრინციპების გათვალისწინებით, ასევე დღით ადრე, დღიური და საბალანსო და დამხმარე მომსახურებების ბაზრების ერთმანეთთან მჭიდრო კავშირის გამო, მნიშვნელოვანია რომ განხორციელდეს წარმოდგენილი წესების ერთ პაკეტად წარმოდგენა, რაც ასევე ხელს შეუწყობს ელექტროენერგიის ბაზრის მონაწილეებს უფრო მარტივად აღიქვან ვაჭრობის მთლიანი პროცესი, სავაჭრო ურთიერთობებისა და ფასწარმოქმნის პროცედურები.