ევროკავშირსა და დიდ ბრიტანეთს შორის ბრექსიტის მოლაპარაკების მთავარ წარმმართველს (ევროკავშირის მხრიდან) მიშელ ბარნიეს კორონავირუსი დაუდგინდა. იუწყება BBC-ი.
კორონავირუსული ინფექციის დიაგნოზის შესახებ ინფორმაცია თავად ბარნიემ გაასაჯაროვა, მას შემდეგ რაც ამის შესახებ მიკრობლოგ "ტვიტერზე" დაწერა.
ბარნიეს თქმით, ის თავს კარგად გრძნობს და თვითიზოლაციაში იმყოფება.
ბრიტანული საზოგადოებრივი მაუწყებელი წერს, რომ ბარნიეს დიაგნოზმა შესაძლოა შეაფერხოს ევროკავშირსა და ბრიტანეთს შორის სავაჭრო მოლაპარაკებების წარმოება.
გავრცელებული ცნობით, მიშელ ბარნიემ უკვე გააუქმა ამ მოლაპარაკებების ფარგლებში დაგეგმილი მრავალი შეხვედრა.
