ტირძნისიდან გატაცებული ქართველი ბავშვების გასათავისუფლებლად საქართველო მსოფლიოს ყველა საერთაშორისო ტრიბუნას გამოიყენებს. ამის სესახებ საქართველოს საგარეო საქმეთა მინისტრის მოადგილე გიგა ბიოკერიამ განაცხადა.
ჟენევის მოლაპარაკებებიდან დაბრუნებული საგარეო საქმეთა მინისტრის მოადგილის თქმით, მიუხედავად იმისა, რომ საერთაშოროსიო მოლაპარაკებების მერვე რაუნდი კონკრეტული შედეგის გარეშე დასრულდა შეხვედრის ამ ფორმატით გაგრძელება აუცილებელია.
რაც შეეხება ევროპელი თანათავმჯდომარეების მიერ მომზადებულ ძალის გამოუყენებლობის დოკუმეტს _ ეს საკითხი ჯერ ისევ განსახილველია.
"ჩვენ ძირითადში ამ დოკუმენტს მხარს ვუჭერთ. ჩვენ ვთვლით, რომ ეს არის კარგი დოკუმენტი იმისათვის, რომ ამას დაეყრდნოს მომავალი მუშაობა. სამწუხაროდ მოსკოვისა და მარიონეტული რეჟიმების წარმომადგენლები არიან რბილად, რომ ვთქვათ ძალიან მინიმალუსტრულად განწყობილი და ძალიან უცნაურ მდგომარეობაში გრძნობენ თავს, იმიტომ რომ სწორედ მათი დაჟინებული მოთხოვნა იყო, ძალის გამოუყენებლობის თაობაზე ახალი შეთანხმების დადება. ეხლა კი არიან იმ მდგომარეობაში, რომ აღარ ჩქარობენ", _ აცხადებს ჟენევის საერთაშოროსო მოლაპარაკებებზე ქართული დელეგაციის ხელმძღვანელი გიგა ბოკერია.