ეს ნიშნავს იმას, რომ წერილების შინაარსი ინფორმაციული ვაკუუმის კი არა, არამედ არასწორი პოლიტიკის შედეგია, რომელსაც ხელისუფლება ახორციელებს, - განაცხადა დამოუკიდებელმა დეპუტატმა, თამარ ჩუგოშვილმა სენატორების წერილთან დაკავშირებით.
მისი თქმით, ხელისუფლება წერილებს სრული სერიოზულობით უნდა მოეკიდოს.
"ხელისუფლებიდან ჩვენი წამოსვლის შემდეგ, საგარეო კომიტეტის ახალი თავმჯდომარისა და ვიცე-სპიკერის პირველივე ვიზიტები სწორედ ვაშინგტონში დაიგეგმა და შეხვედრები იყო კონგრესში, მათ შორის, იმ პირებთან, რომლებიც ამ წერილების გზავნას აგრძელებენ. ეს ნიშნავს იმას, რომ წერილების შინაარსი ინფორმაციული ვაკუუმის კი არა, არამედ არასწორი პოლიტიკის შედეგია, რომელსაც ხელისუფლება ახორციელებს.
სერიოზულობით უნდა მივიღოთ როგორც ქვედა, ასევე ზედა პალატის კომიტეტების წერილებს, მით უმეტეს, როდესაც საფრთხე აშშ-სთან სტრატეგიულ პარტნიორობას ექმნება. ვისურვებდი, რომ ასეთი ზედაპირული კომენტარები გვერდზე გადავდოთ, რომელსაც ვისმენთ. ეს კომენტარები საქმეს აფუჭებს", - აცხადებს ჩუგოშვილი.
